موقع المرأة العربية حبيبة دوت كوم Habibh.com
عالم المرأة والجمال | | | Travel guide | | |Cheap flights | | |Best hotels
للكتابة فى الموقع أو للإعلان هنا تواصل معنا > واتساب

كيفية اختيار الحلل للمطبخ – دليلك في اختيار الحلل لمطبخك

    1. مقدمة.

    أكيد كل واحدة بتجهز او بتجدد في بيتها بتقع في حيرة كبيرة لما تبدأ تختار الحلل ، ودا لأن الحلل مكون اساسي في مطبخك وكل فترة تظهر أنواع جديدة ودا طبعا بيزيد من حيرتنا عند الشراء.

    علشان كدا في موقع حبيبة حاولنا نساعدك ونسهل عليكي الاختيار بأننا نجمعلك في البوست دا كل انواع الحلل الموجودة في السوق ونوضحلك مميزات وعيوب كل نوع.

    أولاً : الحلل الألومنيوم :

    أكيد كلنا عارفين النوع دا من الحلل واتربينا عليه ومازال موجود في معظم البيوت.

    فيه تحديثات كتيرة أُدخلت علي الحلل الألومنيوم ; لحد ما وصلنا للحلل الألومنيوم المطلية طبقة ستيل من الخارج . وعموماً مهما أختلف شكل الحلة فهي برده مادة الصنع فيها الألومنيوم.

    حلل الالمنيوم

    طيب ايه مميزات وعيوب الحلل دي؟؟

    تمتاز الحلل الألومنيوم بأنها سريعة التوصيل للحرارة ، يعني بتسوي الاكل بسرعة وبتوزع الحرارة كويس فبيطلع الأكل سوا واحد .

    وكمان الحلل الألومنيوم تعتبر أرخص أنواع الحلل سعراً.

    أما بقي بالنسبة لعيوبها فأن مادة الألومنيوم بتتفاعل مع الأطعمة أثناء الطهي وبيخرج منها مادة الرصاص وبتذوب في الأكل وللأسف المادة دي بيمتصها الجسم من الأكل وتخزن في المخ ومع الوقت بتسبب مرض الزهايمر ، علشان كدا بعد فترة من استخدام الحلة الألومنيوم بيظهر فيها بقع سودا من الداخل نتيجة لتفاعل مادة الألومنيوم مع الأطعمة.

    ثانياً : الحلل الصاج.

    النوع دا مش هنتكلم عنه كتير لانه أختفي من معظم البيوت المصرية دلوقت . بس برده هنوضحلك مميزاته وعيوبه من باب العلم بالشئ علي الاقل.

    مميزات الحلل الصاج

    انه مطلي بطبقة عازلة اللي هي الطبقة البيضا الموجودة جوه الحلة ودي بتعزل الأطعمة عن المعدن المصنوع منه الحلة ، وطبعاً شكل الحلة الخارجي المزخرف الجميل اللي بيفتح النفس علي الطبخ ، وأكيد كمان سعر الطقم الذي لا يقارن مع أنواع الحلل الأخري.

    طب ايه عيوب الحلل الصاج ؟

    اهم عيب فيها ان الطبقة العازلة اللي قولنا عليها سهلة الخدش وطبعا لما تتخدش بيظهر المعدن وبيفاعل مع الأطعمة وبيسبب أمراض كتيرة.

    حلل التيفال

    ثالثاً : الحلل التيفال:

    الحلل التيفال مصنوعة من اجود أنواع الألومنيوم وبتتطلي بمادة التفلون اللي بتصنف أنها مادة بترولية .

    طب ايه مميزات الحلل التيفال؟؟

    مادة التيفلون مادة مانعة للالتصاق يعني الاكل مش بيلتصق فيها ، وطبعا كونها مصنوعة من الالومنيوم فلها نفس مميزات الالومنيوم من حيث توزيع الحرارة وسرعة الطهي. دا بجانب برده ان سعرها معقول جدا مقارنة باسعار انواع الحلل الجديدة.

    نيجي بقي لعيوب حلل التيفال:

    زي ماقلنا أن مادة التفلون المطلية بها الحلة من الداخل هي مادة بترولية لو حصل لها خدش بيكون عندك مخاطر الالومنيوم وكمان مخاطر تفاعل المادة البترولية دي اتخدشت مع الأطعمة.

    وكمان عمر الحلل التيفال قصير حتي مع الحفاظ عليها وعدم خدشها هتلاقي الاطعمة بتلزق في الحلة بعد سنتين او تلاتة من الاستخدام

    رابعاً : الحلل الاستانلس ستيل.

    انتشرت الحلل دي معظم البيوت وخصوصا مع استخدام الانواع الجيدة منها المعروفة انه 18/10 وتكون ذات قاعدة سميكة :

    من اهم مميزات النوع دا انه غير قابل للصدأ فهو أمن جدا وكمان بيوزع الحرارة كويس فالاطعمة بتستوي كويس . وطبعا انه مصنوع من عدة معادن فبيكون قوي وطويل العمل.

    حلل الاستانلس ستيل

    بس بقي عيوبه ان في حالة شراء خامة رخيصة السعر بيكون نسبة الكروم فيها قليلة فمع الاستخدام لون الحلة بيتغير ودا مالوش تأثير علي الاكل بس شكلها مش بيكون حلو . وكمان لو اشتريتي حلة قاعدتها مش سميكة فالحرارة مش هتتوزع كويس والاكل ممكت يتحرق من اتجاه واحد .

    علشان كدا لازم نراعي الحاجات اللي قولناها عند شراء الحلل الاستانلس ستيل.

    خامساً: الحلل السيراميك.

    الحلل السيراميك زي الحلل التيفال مصنوع من مادة الالومنيوم بس مطلي بطبقة مصنوعة من مواد طبيعية مش بترولية زي التيفال. وبيفضل عند الطهي في الحلل السيراميك استخدام المعالق الخشب او السيليكون .

    عيوب حلل السيراميك

    عيوبها انها عند تعرضها لدرجة حرارة عالية بيحدث فيها شقوق وفي حالة ظهور الطيقة الالونيوم لا ينصح باستخدامها مرة اخري. فبالتالي عمر الحلة مش طويل.

    الحلل السيراميك
    حلل الجرانيت

    سادساً: الحلل الجرانيت.

    بتكون مصنوعة من النيكل ومتغطي بطبقة جرانيت وطبعا الجرانيت مادة طبيعية غير مضرة ، والمادة دي بتكون في انواع الحلل الجيدة قوية وغير قابلة للخدش حتي مع استخدام الملاعق الالومنيوم في الطهي.

    عيوب حلل الجرانيت

    عيوبها ارتفاع سعرها للانواع الجيدة ذات العمر الطويل ، اما في حالة شراء انواع رخيصة الثمن فطبقة الجرانيت بتكون ضعيفة وسهلة الخدش والتفاعل مع الاطعمة في حالة تعرضها لنار عالية فترة طويلة.

    سابعا حلل البيركس.

    تعتبر الحلل البيركس من أحدث أنواع الحلل اللي ظهرت مؤخراً.

    تتميز الحلل البيركس بانها أمنة جدا جدا علي الصحة وسهلة الاستخدام والاطعمة لا تلتصق بها .

    لكن عيوبها انها سهلة الكسر وتحتاج لعناية كبيرة عند الطهي بها لان لو لمسها مياه او سطح بارد وهي ساخنة هتنفجر مش هتتكسر بس. ومن اهم عيوبها ارتفاع سعر الانواع الجيدة منها . وفيه انواع رخيصة الثمن بس بيكون داخل في تكوينها رصاص ورمل زجاجي ودي بتتفاعل مع الاطعمه وبتكون مضرة جداً.

    جلل البيركس

    بيتهيألي كدا عملنا عرض سريع لأهم انواع الحلل الموجودة بالاسواق ومميزات وعيوب كل نوع علشان نسهل علي كل حبيبة المقارنة والاختيار.

    عمليات بحث متعلقة بـ كيفية اختيار الحلل للمطبخ
    كيفية استخدام حلل السيراميك لاول مرة
    ايه افضل انواع الحلل
    افضل انواع الحلل الصحية
    كيف اعرف ان المراة الحلل الجرانيت اصليه
    طريقة استخدام الحلل الجرانيت لاول مرة
    افضل انواع الحلل الجرانيت 2020
    حلل التيتانيوم
    كيف اعرف الجرانيت الاصلي

    ----------- مواقع صديقة -----------
    توصيل كراتين | | | افضل موقع لاختصار الروابط